Kryeministri Bojko Borisov ka biseduar në telefon me zëvendëspresidenten e BE-së Margrethe Vestager. Të dy kanë diskutuar përparimin e Bullgarisë në lidhje me Eurozonën dhe hyrjen në mekanizmin paraprak ERM II.  Borisovi ka shprehur bindjen se hyrja e vendit tonë në ashtuquajturën “dhomë të pritjes” të Evrozonës (ERM II) do të ndikojë pozitivisht klimën ekomomike në vendin tonë, kurse kontrolli i përbashkët bankar do të jetë një garanci suplementare për transparencën e bankave bullgare.

Politika e arsyeshme fiskale është ndër arritjet, me të cilat Bullgaria mund të krenohet dhe të përdoret si shembull. Qëndrueshmëria financiare dhe disiplina janë ndër faktorët kryesorë për gjendjen e mirë të vendit para krizës së shkaktuar nga Covid-19, ka nënvizuar Borisovi.