Ministrat e punëve të jashtme të BE-së, ndër të cilat ishte ministrja bullgare Ekaterina Zaharieva, bashkë me sekretarin shtetëror amerikan Michael Pompeo, ranë dakord të vazhdojnë partneritetin transatlantik, duke bashkëpunuar në luftimin e koronavirusit, dezinformacionit dhe në fusha të tjera të interesit të përbashkët, bëri të ditur MPJ-ja bullgare.

Në konferencën e zhvilluar me lidhje video janë diskutuar marrëdhëniet me Kinën dhe Turqinë, situatën në Lindjen e Mesme dhe në Ukrainë.

Sa i përket çështjes së Ballkanit Perëndimor Ministrja Zaharieva u ka bërë thirrje pjesëmarrësve të bashkojnë përpjekjet e tyre për bashkëpunim në përkrahje të integrimit evropian të gjashtë vendeve të regjionit.