Besimi në BE mbetet i qëndrueshëm ndër bullgarët, tregon studimi i agjencisë “Gallup” të bërë me porosi të fondacionit “Konrad Adenauer”. Kriza me Covid-19 nuk ka ndikuar keq imazhin e bashkësisë. Njerëzit nuk janë mjaftë të informuar për planin e BE-së për kompensime pas epidemisë, e kjo është diçka që nuk është në favor të Brukselit.

2/3 e bullgarëve mendojnë se Bashkimi Evropian është i dobishëm pikërisht në këtë krizë. Përkrahësit e demokracisë janë më shumë, por 2/5 prej të anketuarve nuk mendojnë se demokracia është e përshtatshme për menaxhimin e krizave si ajo e koronavirusit.

51% kërkojnë nga BE-ja veprime të përbashkëta për përballimin e krizës, 46% mendojnë se shtetet kombëtare duhet të kenë rolin prijës. 81% mendojnë se kufizimi i epidemisë është përgjegjësi e secilit njeri.