Bilanci buxhetor i shtetit për datën 31 maj 2020 është pozitiv dhe me vlerë mbi 671 mln. euro, bëri të ditur Ministria e Financave. Kjo është në sajë të të ardhurave në buxhet, të cilat tejkalojnë shpenzimet me 422 mln euro. Përveç kësaj fondet evropiane, të cilat kanë hyrë në buxhet janë 249 mln. euro.

Të dhënat në fund të majit 2020 tregojnë se  në shtet kanë hyrë të ardhura mbi 9 mln. euro, apo 39,7% prej të hyrave të planifikuara. Sa u përket të ardhurave tatimore dhe jotatimore është regjistruar rënie prej 741 mln. euro, apo 8,2% më pak në krahasim me majin e vitit 2019.

Subvencionet evropiane në kuadrin e programeve dhe fondeve të ndryshme për të njëjtën periudhë shënojnë rritje prej 187 mln eurosh, apo 37%. Rezerva fiskale në fund të majit 2020 është 5,2 mlrd euro.