Ndërtesa e Operës Shtetërore në Ruse (Bullgari Veriore) ishte pushtuar nga flaka dhe zjarri asgjësoi tërësisht çatinë e saj. S’ka informacione për njerëz të lënduar, por dëmet materiale janë të mëdha.

Ndërtesa e Teatrit Operistik të Ruses është një nga emblemat e qytetit. Është ndërtuar në vitin 1934 për sallon kishtar pranë katedrales “Treshja e Shenjtë”, sipas projektit të arkitektit Hristo Hristov.

Që në vitet e para pas ndërtimit salloni u kthye në një nga qendrat kulturore të qytetit, ku u organizuan mbrëmje muzikore, leksione, takime kreative. Në vitin 1950 salloni kishtar u shtetëzua dhe pas kësaj iu ofrua trupës së sapokrijuar operistike.

Në hapësirën nën çatinë e Teatrit Operistik ishte mbledhur koleksioni më i pasur prej kostumeve skenike në Bullgarinë Veriore, disa prej të cilave ishin me histori 60-vjeçare.

Pas dhënies së sinjalit për zjarrin sot ishin evakuuar të gjithë nëpunësit në godinë.