Përleshje mes përkrahësve dhe kundërshtarëve të qeverisë dhe Presidentit Rumen Radev kishte rreth orës 20:30 gjatë dy protestave paralele para godinës së Presidencës dhe asaj të Këshillit të Ministrave. Reagimi i shpejtë i forcave të sigurisë parandaloi mbledhjen e dy “kampeve”. Disa veta janë arrestuar.

Rreth orës 20:50 demonstruesit nisën për në “ Orllov Most” (Urën e Shqiponjave), kurse një orë më vonë ata u kthyen në hapësirën mes Këshillit të Ministrave dhe Presidencës, ku rreth orës 22:30 protestuesit vazhdojnë të protestojnë duke brohoritur për dorëheqjen e qeverisë. 

Ndërkohë qeveritarët nga partia në pushtet GERB dolën me një deklaratë me thirrje ndaj Presidentit Rumen Raved dhe figurave politike që qëndrojnë mbas tij që të ndërmarrin përgjegjësinë politike për “veprimet vandale” kundër autobusëve me të cilën mbërritën në protestë anëtarët e partisë. 

Në regjimin e Presidencës thuhet se “qeveritarët duhet të mbajnë përgjegjësinë para të gjithë kombit për korrupsionin dhe qeverisjen e dështuar”. Nga selia e Presidentit u bënë thirrje qytetarëve që në asnjë mënyrë të mos tregojnë agresion.