Kuvend i Madh Popullor mund të thirret në nëntor, tha para bTV zëvendës kryeministri Tomisllav Donçev. Ai theksoi se mbetja e qeverisë së kryeministrit Bojko Borisov në pushtet që këtu e tutje është në dëm të tyre. Ai shtoi, se dorëheqja nuk do të ndryshojë asgjë sepse “situata do të mbetet e njëjtë vetëm me disa nuanca”. Prandaj qeveria nuk do të tërhiqet. Tomisllav Donçevi përsëriti fjalët e kryeministrit nga fjalimi i tij më 14 gushti, se shteti ka nevojë për restart sepse demokracia është në krizë. Ai u shpreh se korrigjimet e propozuara në Kushtetutë u diskutuan afro një javë, ndërsa përgatitja për këtë hap filloi para pesë vitesh. Zëvendëskryeministri tha se ulja e numrit të deputetëve mund të bëhet vetëm me vendim të Kuvendit të Madh Popullor.