Streha më e mirë nga nxehtësia e verës në zonën e qytetit Smoljan është rezervati “Soskovçeto”, i cili dallohet me larminë e florës dhe të faunës së vet. Por, turistët vijnë këtu më tepër për shkak të gjelbërimit dhe të njërës prej eko-shtigjeve më të bukura në Bullgari, e njohur akoma si “Kanioni i ujëvarave”.

Itinerari kalon përmes një serie ujëvarash dhe është i përshtatur me ura prej druri, shkallë dhe kopshte, të cilat janë të fshehura nën hijen e pemëve bredhore. Shtegu ekologjik kalon përmes të gjithë rezervatit “Soskovçeto”, duke i shpënë turistët deri tek skajet dhe qoshet e veta më të brendshme, duke hapur peizazhe nga të cilat mund t’i pushojë zemra njeriut.

Natyrisht që, më spektakolare janë 46 ujëvarat e rezervatit. Më mbresëlënësi është me lartësi mbi 70 metra. Është quajtur Orfe për shkak të asociacionit i cili bëhet ndërmjet rrjedhave të ujit që kalon poshtë shkallës dhe vargjeve të lirës legjendare të Orfeut.

Realizoni një udhëtim veror në Rodopet nëpër rezervatin “Soskovçeto” përmes publikimit nga koleksioni i Radio Bullgarisë këtu.

Përgatiti në shqip: Nataniela Vasileva

Foto: arkiv