Ideja e prodhuesve bullgarë të verës është që përmes popullarizimit të një vere prodhuar nga një varietet rrushi, i cili haset vetëm në Bullgari, pija të bëhet edhe më e njohur tek ne dhe jashtë kufirit. Kurse ajo me të vërtetë meriton vlerësimet e mrekullueshme të vlerësuesve nga e gjithë bota.

Varieteti “mavrud” është një pjesë e pandarë nga itineraret e njohura të verës, të drejtuara kryesisht për të huajt. Ky është një nga varietetet më të vjetra të rrushit. Mavrudi konsiderohet si shumë i vlefshëm dhe me cilësi të lartë të rrushit të kuq. Ai piqet më vonë, kurse vera e prodhuar prej tij ka një ngjyrë të fortë prej rubini, të mos flasim për aromën e dendur dhe të pa rezistueshme!

Në Bullgari ka rreth 40 kantina, të cilat prodhojnë verë nga varieteti Mavrud. Rreth 30 prej tyre pranojnë turistë në sallat e përshtatshme të pajisura për këtë qëllim për ta degustuar.