Nëpërmjet profilit të tij në Facebook kryeministri Bojko Borisov i shprehu ngushëllime popullit austriak pas sulmeve terroriste mbrëmë në Vjenë. “Me rëndësi është që në momente të tilla të jemi të bashkuar dhe së bashku t’i rezistojmë dhunës dhe terrorit!” shkroi Borisovi.

Edhe kryetarja e Kuvendit Popullor Cveta Karajançeva shprehu shpresë se fajtorët do të ndëshkohen me tërë rreptësinë e ligjit. “Lutjet e popullit bullgar janë për miqtë tanë në Austri. U uroj shërim të shpejtë të plagosurve!” shkroi Karajançeva.

“Nuk mund të ketë asnjë justifikim të dhunës kundër njerëzve të pafajshëm dhe të paarmatosur”, theksoi ministrja e punëve të jashtme Ekaterina Zaharieva në telegramin ngushëllues dërguar ministrit austriak të marrëdhënieve evropiane dhe ndërkombëtare Aleksandër Shalenberg. Ajo theksoi gatishmërinë e Bullgarisë për forcimin e bashkëpunimit me qëllim asgjësimin e çdo forme të terrorizmit.