Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Gjimnazistët bullgarë tashmë mësojnë në “re”

Foto: 2els.com

“Ne jo vetëm i mësojmë mësimet tona, por i përjetojmë!” – pohojnë nxënësit nga Gjimnazi i dytë i gjuhës angleze i kryeqytetit “Thomas Jefferson” Që prej 2 vitesh shkolla elitare është një shkollë referente Google, si pjesë e programit botëror “Shkolla në re”, ose School in the Cloud. Inovacioni i themeluar gjatë vitit 2013 nga specialisti arsimor Sugata Mitra është lidhur me transformimin e tërësishëm digjital të procesit mësimor. Sot mijëra shkolla në botë përdorin të ashtuquajturat “platforma re” sipas modelit 1:1 të Google G Suite. Gjimnazi i dytë i gjuhës angleze është një prej tyre.

Fëmijët nga 4 klasa në klasën e 8-të dhe të 9-të i zëvendësuan me lehtësi librat shkollorë me të ashtuquajturën chromebook. Kjo është një pajisje personale që i lejon ata të kërkojnë informacion dhe t'i qasen procesit të të mësuarit në mënyrë krijuese. Mësuesit e tyre janë të pajisur me të njëjtat pajisje. "Për këtë qëllim 23 mësuesit tanë janë trajnuar dhe certifikuar në kuadër të programit ndërkombëtar për Google trajnerë. Kemi 1138 profile personale dhe të biznesit Google G Suite në domenin e shkollës "- thotë Veselina Ivanova - Zv. drejtoreshë e shkollës së mesme. Platforma përfshin aftësinë për mësime në internet, ndarjen e skedarëve, menaxhimin e klasës virtuale dhe siguron hapësirë të pakufizuar për ruajtjen e materialit mësimor në re.

Por si po ndryshon digjitalizimi i përgjithshëm i procesit mësimor nxënësit e shekullit 21?

Rezulton se "reja" i bën ata anën aktive të të mësuarit. Nxënësit nuk janë më konsumatorë pasivë dhe të mërzitur të dijes, por janë të motivuar dhe të etur për t’u zhvilluar. Vetëm ose në një ekip, ata hulumtojnë, kërkojnë dhe analizojnë informacione të besueshme dhe madje krijojnë produkte të caktuara në internet. "Roli i mësuesit gjithashtu ndryshon - ai bëhet një ndërmjetës. Aktualisht, për shkak të pandemisë, fëmijët janë në shtëpi dhe punojnë në këtë mënyrë. Por sistemi zbatohet në klasë në prani të mësuesit dhe të gjithë marrin pjesë para pajisjes së tyre”- shpjegon Veselina Ivanova.

Si zhvillohet një orë mësimi në “re”?

“Nëse flasim për gjeografi dhe histori, ka mjete që i lejojnë nxënësit të bëjnë vetë ekspedita - dmth. për të shënuar vendet që studiojnë, për t'i parë nga një këndvështrim gjeografik. Ata mund të bëjnë shëtitje virtuale në vende të caktuara me rëndësi historike në lidhje me periudhën që po studiojnë. A janë përmirësuar notat dhe disiplina e tyre? Definitivisht po! - thotë mësuesja. - Studentët janë më aktivë dhe të motivuar. Sa u përket notave të tyre - ato padyshim janë rritur. Por më e rëndësishmja, atyre u pëlqen sistemi. Fëmijët pranojnë se kanë fituar më shumë aftësi sesa mund të marrin në klasën tradicionale", tha Veselina Ivanova.

Gjimnazi i dytë i gjuhës angleze i kryeqytetit “Thomas Jefferson” ishte shkolla e parë bullgare, e cila u përfshi në projektin digjital “Shkolla në re”. Ka dhe diçka tjetër – së bashku me shkollën për mësimin e gjuhëve të huaja "Ivan Vazov" në Plovdiv është një nga dy shkollat referente të Google në Evropën Qendrore dhe Lindore. Tani për tani, sepse para pak kohe Bashkia e Sofjes nisi një projekt të ri pilot për bashkimin e 16 shkollave të tjera të Sofjes në "re". Kështu, shkolla bullgare po i afrohet modelit digjital të së ardhmes.

Përgatiti në shqip: Vesella Mançeva

Foto: 2els.com



Последвайте ни и в Google News Showcase, за да научите най-важното от деня!

Më shumë nga rubrika

Shoqata “Komuniteti Ortodoks Bullgar në Çeki” bën thirrje për mbështetje

Në qendër të Pragës, mes godinave elegante të shekullit XIX dhe linjave të gjalla të tramvajit, mund të gjeni një rrugë me një emër krejt të njohur – Bulharská, ose “Rruga Bullgare”. Ajo ndodhet në lagjen “Vinohrady” dhe është vetëm një nga dëshmitë e..

botuar më 25-06-13 7.40.PD

Manastiri i Trojanit i dhuron relikte të shenjta kishës “Shën Parasqevi-Petka” në Trojan

Manastiri i Trojanit “Fjetja e Hyjlindëses Mari” do t’i dhurojë Kishës “Shën Parashqevi-Petka” në Trojan pjesë nga lipsanet e shenjta të shenjtorëve mbrojtës të qytetit – Shën Parashqevi-Petka dhe Shën Panteleimoni, martir i madh, njoftoi për BTA-në..

botuar më 25-06-13 5.10.PD

150 studentë me origjinë bullgare do të mund të studiojnë në Universitetin e Ruses në Taraklia

Dega e Universitetit të qytetit bullgar Ruse në qytetin Taraklia të Moldavisë do të jetë në gjendje të pranojë deri në 150 të rinj me origjinë bullgare për trajnim në diplomat arsimore dhe kualifikuese "bachelor" dhe "master", si dhe 5 persona për..

botuar më 25-06-10 4.59.MD