Takimi i njëmbëdhjetë i Komisionit të Përbashkët të Çështjeve Historike midis Bullgarisë dhe Republikës së Maqedonisë së Veriut, të krijuar në zbatim të Marrëveshjes së Miqësisë, Fqinjësisë së Mirë dhe Bashkëpunimit mes dy vendeve tona, përfundoi pa rezultat.
Dy bashkëkryetarët e Komisionit prof. Angell Dimitrov dhe prof. Dragi Georgiev deklaruan dallimet kryesore mes historianëve nga Sofja dhe Shkupi, të cilat u bënë shkaku kryesor për bllokimin nga ana e Bullgarisë të negociatave të Maqedonisë së Veriut për anëtarësim në Bashkimin Evropian.
Sipas prof. Dimitrov një hap i rëndësishëm drejt zgjidhjes së kundërshtimeve është që historianët në Maqedoninë e Veriut t’i bëjnë një analizë vetëkritike të kaluarës jugosllave të vendit. Si një shembull për kundërshtimet prof. Dimitrov shënoi se pas takimit të tetë të Komisionit të Përbashkët të Ekspertëve historianët nga Maqedonia e Veriut kanë ndaluar t’i nënshkruajnë protokollet, duke refuzuar ta pranojnë interpretimin bullgar të nocionit “maqedonas”. Bllokimi i nënshkrimit të protokolleve në dy takimet e fundit vë në pikëpyetje punën tonë – nënvizoi prof. Dimitrov dhe shtoi: “Pa dokument, i cili të tregojë qartë se çfarë debatesh janë zhvilluar dhe çfarë vendimesh janë marrë, situata bëhet e pasigurt dhe tregon mungesë dëshire për t’u punuar në një mënyrë më efektive.”
Nga ana e vet prof. Dragi Georgiev e quajti debatin me shumë shtresa, por pa rezultat.
Çështja mbetet e hapur deri në javën tjetër, kur Komisioni do të mblidhet përsëri online.
Në zbatim të Kushtetutës, presidenti Rumen Radev nënshkroi një dekret për emërimin e qeverisë së propozuar nga i nominuari për kryeministër të përkohshëm, Dimitër Gllavçev . Kabineti i ri pritet të betohet menjëherë para Asamblesë Kombëtare. Në..
Në Turqi dhe Greqi presin një rendiment më të mirë të ullinjve Vjelja e vajit të ullirit në Turqi do të jetë rekord. Lulëzimi intensiv i ullinjve u dha shpresë prodhuesve akoma në pranverë pas sezonit të dobët të..
Bullgaria u përball me një tjetër problem në kërkimin e një rrugëdaljeje nga kriza politike që u bë konstante, pasi presidenti Rumen Radev refuzoi të miratojë një nga emrat e ministrave të propozuar nga kandidatja për kryeministre të përkohshme,..