Gjatë katër viteve të fundit dialogu politik midis Bullgarisë dhe Serbisë është ndoshta më intensivi dhe më produktivi në historinë e marrëdhënieve dypalëshe. Gjatë kësaj periudhe edhe shkëmbimi tregtar midis të dy vendeve u dyfishua. Këtë e tha para BNR ambasadori i Bullgarisë në Serbi Radko Vllajkov, mandati i të cilit po përfundon.

Sipas tij “ka ndryshime të dukshme pozitive në gjendjen e pakicës bullgare në Serbi". Vllajkovi theksoi se gjatë shekullit të fundit “ajo u shtyp dhe u dërrmua” gjë për të cilën kanë faj shtetet totalitare jugosllave dhe bullgare.

Ai theksoi se tashmë u gjet mekanizmi me të cilin problemet e njerëzve nga pakica bullgare të kuptohen dhe të zgjidhen, “të frymëzohen që ata jo vetëm që të mos kenë frikë ose turp ta quajnë veten bullgarë, por të jenë krenarë për këtë”.