Vaksinat e para “Moderna” furnizohen në Bullgari në mesin e janarit

Dërgesa e parë me 2400 doza të vaksinës kundër Covid-19 të kompanisë “Moderna” do të furnizohen në Bullgari më 13 janar, informon BNR. Preparati do të pranohet dhe do të ruhet në respektim të kushteve të domosdoshme nga firma shtetërore “BulBio”.

Përqindja e njerëzve të infektuar me Covid-19 në Bullgari vazhdon të bjerë

Rastet e reja të Covid-19 në Bullgari janë 753, nga të cilat 37 në personel mjekësor.

Nga 9871 teste të kryera, 7.6 për qind ishin pozitive. Sipas Portalit të Unifikuar të Informacionit për 24 orët e fundit, 4186 pacientë me Covid-19 u shtruan në spital, nga të cilët 380 janë në kujdes intensiv.

3831 njerëz u shëruan dhe 61 pacientë vdiqën.

Shumica e rasteve të reja janë në Sofje - 161, Varna - 58 dhe Vraca - 45.

Në24 orët e fundit u vaksinuan 2238 njerëz dhe kështu numri i të gjithë të vaksinuarve arriti 13 355.

Danimarka ndalon fluturimet e pasagjerëve

Nga 9 deri më 17 janar përfshirë, Danimarka ndalon të gjitha fluturimet e pasagjerëve në territorin e saj, përveç atyre në të cilat të gjithë udhëtarët kanë paraqitur test negativ për Covid-19, njoftoi Ministria e Jashtme. Prova duhet të kryhet 24 orë para se të hipet në avion. Asnjë test nuk kërkohet për fëmijët nën 12 vjeç. Nuk ka ende informacion zyrtar se çfarë lloji i testit është i domosdoshëm - PCR ose antigjeni.

Masa është parandaluese për shkak të mutacionit të ri të Covid-19 që përhapet nga Britania e Madhe dhe Afrika e Jugut dhe hyn në fuqi nga sot, 9 janar në orën 17.00, orë lokale.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.