Jemi duke zhvilluar një motor krejtësisht të ri kuantik për anijet detare dhe kozmike, njoftoi para Bloomberg TV Bulgaria Nikollaj Markov nga Qendra për Hidro dhe Aerodinamikë në Institutin "Akademiku Aleksndër Balevski ” të Akademisë Bullgare të Shkencave.

Që prej 2 vitesh jemi duke punuar mbi teknologjinë, pa një analog. "Motorët normalë me djegie të brendshme kanë pistona. Ne jemi duke u përpjekur ta kthejmë çdo molekulë në një piston ". Përdoren molekulat e gazit të amoniakut. Me shpejtësi afër shpejtësisë së dritës, ato bëjnë kalime kuantike tuneli. Motori kuantik është ende në fazën e hulumtimit, por po tërheq interes. Projekti po punohet në një konsorcium me universitete të Londrës dhe në laboratorë të Zvicrës dhe Hungarisë, tha shkencëtari.