Në Taraklia, Tvardica, Kajraklia, Korten, Stojanovka, Parkani, në kryeqytetin e Moldavisë dhe në vendbanime të tjera ku jetojnë bullgarët, u nderua heroi kombëtar i Bullgarisë Vasill Levski me rastin e 148 vjetorit të vdekjes së tij. Para monumentit të Apostullit në Taraklia ulën kokën dhe vunë lule Krye bashkiaku i qytetit Vjaçesllav Llupov dhe konsulli bullgar Angell Marinkov.

Në Kishinev, në oborrin e Liceut Teorik Bullgar "Vasill Levski", u bënë homazhe përpara pllakës së revolucionarit. Ambasadori Evgeni Stojçev mbajti një fjalim para nxënësve, mësuesve dhe bashkëpunëtorëve të Ambasadës Bullgare në Moldavi. “Ne duhet të kërkojmë atë që na bashkon, të frymëzuar nga historia dhe me një vështrim për të ardhmen”, tha ambasadori.

Me një minutë heshtje dhe me vendosjen e luleve të pranishmit nderuan veprën e Apostullit të Lirisë. Për shkak të pandemisë veprimtaritë u zhvilluan në një rreth të vogël, transmetoi BTA.