Një sistem elektronik do të regjistrojë ata që dëshirojnë të vaksinohen

Sistemi i regjistrimit elektronik për ata që dëshirojnë të vaksinohen pritet të jetë funksional në 3 mars. Njerëzit do të jenë në gjendje të tregojnë në një interval 10 minutash në cilën qendër duan të bëjnë imunizimin e tyre. Për momentin, organizata e krijuar nga autoritetet shëndetësore është shumë e mirë, tha Ministri i Shëndetësisë Kostadin Angellov dhe shtoi se ai ishte jashtëzakonisht i kënaqur me ritmin e vaksinimit në vend. Kushdo që është i interesuar, jashtë fazave të përcaktuara të vaksinimit, mund ta bëjë këtë në korridoret e gjelbra, të cilat aktualisht janë vetëm gjatë fundjavave. Angellov shtoi se të tilla po diskutohen gjatë javës, por ende nuk ka një vendim të prerë.

Po rritet numri i atyre që dëshirojnë të vaksinohen

Më shumë se 57 000 doza të vaksinës “Astra Zeneca” kundër Covid-19, e cila mbërriti natën e kaluar, tashmë janë shpërndarë në Inspektoratet Shëndetësore Rajonale në vend. Që nga e premtja, faza e katërt e planit të imunizimit tashmë është duke u zhvilluar dhe kushdo mbi moshën 18 vjeç mund të vaksinohet. Para pesë pikave të spitalit për trajtimin urgjent "Pirogov" radhët e dhjetëra njerëzve që dëshirojnë të imunizohen nuk ulen. Imunizimi është gjithashtu duke u zhvilluar në Akademinë Mjekësore Ushtarake dhe disa nga vaksinat jepen personalisht nga kryetari i stafit operativ, Gjen. Vencisllav Mutafçijski. Për shkak të fluksit të njerëzve që dëshirojnë të imunizohen, pika shtesë të vaksinimit u hapën në qytetin Burgas dhe rrethin e tij, si dhe në Plovdiv.

Imunizimi masiv vazhdon ditën e diele dhe 180 000 doza të reja të tre vaksinave të miratuara nga BE pritet të mbërrijnë javën e ardhshme.

Të infektuarit rishtas me Covid-19 në Bullgari janë gati 11%

Mostrat pozitive të Covid-19 në Bullgari për 24 orët e fundit janë 1463, që është gati 11 për qind e 11 303 testeve të kryera. Sipas Portalit të Unifikuar të Informacionit, 26 nga rastet e reja janë me personel mjekësor. Ka 3775 pacientë me Covid-19 në spitale, nga të cilët 316 janë në njësitë e kujdesit intensiv. 346 njerëz u shëruan dhe 35 pacientë vdiqën.

Shumica janë të infektuar rishtazi në Sofje - 363, Burgas - 191 dhe Plovdiv - 97.

Të vaksinuarit arritën 13 754 persona, pasi vaksina e "AstraZeneca" filloi të bëhet për të gjithë mbi moshën 18 vjeç. Sipas planit, gjatë fundjavës duhet të sigurohet një mundësi për vaksinim masiv në qendrat rajonale të vendit.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.

Përpilues: Darina Grigorova

Përgatiti në shqip: Svetllana Dimitrova