Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kush i vesh gjimnastet bullgare?

Veshjet përrallore të Nevjana Bratanovës për gjimnastikën ritmike

Elemente popullore dhe zgjidhje eksperimentale në kostumet e reja të skuadrës kombëtare

Foto: arkiv personal

Të guximshme, të gjalla, shumëngjyrëshe, ekstravagante, të cilat përputhen me një përpikëri të madhe me kompozicionet e jashtëzakonshme të gjimnasteve bullgare - të tilla janë veshjet, me të cilat sportistet tona dalin me një krenari të madhe në qilim dhe ngjiten në shkallën e nderit. Ne e mirëpresim secilën prej shfaqjeve të tyre të shkëlqyera pa marrë frymë, por shumë rrallë i drejtojmë vetes pyetjen, se kush qëndron pas këtyre kostumeve përrallore të skuadrës kombëtare të gjimnastikës ritmike. 

Veshjet e sofistikuar janë vepër e dizajnjeres nga Varna Nevjana Bratanova.

  Nevjana Bratanova

Në fillim fare ajo krijon kostume për klubet vendase të gjimnastikës ritmike, të baletit dhe të notit të sinkronizuar, kurse puna e saj me skuadrën kombëtare të gjimnastikës ritmike fillon fare rastësisht gjatë vitit 2012. Në vitin 2016 femrat dhe vajzat e fillojnë sezonin me veshjet e Nevenës, kurse më vonë ekipi i saj fillon të punojë dhe kostume përansamblet.

 Veshja e parë për Nevjana Vlladinovën
“Mundohemi të përdorim materiale me cilësi, përfshijmë dhe materiale të reja si thumba, zinxhirë e të tjera - sqaron dizajnjerja. Mundohemi që të ikim nga veshjet standarde për gjimnastikë, kërkojmë diçka shumë më të veçantë. Më e vështira për ne është të saktësojmë modelet, sepse duhet të marrim parasysh shumë gjëra, kështu që të mund të krijojmë një vizion maksimalisht të mirë të veshjes si një rezultat final”. 


Diçka e ndryshme: zinxhirë në triko

Dizajni dhe ngjyrat varen, në vend të parë nga muzika dhe nga stili i gjimnastes, ngjyrat e veglave si dhe nga dëshira e trajnerëve. Nganjëherë vajzat frymëzohen prej modeleve të dizajnjerëve të njohur dhe atëherë Nevjana Bratanova përgatit skica, për të saktësuar sesi duken gjërat në final. Sepse tek ato veshje po kështu ka tendenca të modës. “Tani ato janë pa mëngë ose me një mëngë të vetme, pa jakë, madje dhe pa fund, gjë e cila përpara viteve do të na ngjante mjaft absurde”-tregon Nevena. 

Veshjet e dashura të dizajneres janë ato për Olimpiadën në Rio në vitin 2016 dhe trikot me trëndafila,  me dantellë unikale për ansamblin për femra gjatë vitit 2019

Gjatë vitit 2017 në anketën e faqes për gjimnastikë ritmike The Knotted Ribbon për “Veshje më të bukur” kostumet individuale të Nevjana Bratanovës të gjitha zënë vendet e para.
 Trikot bullgare që fituan të gjitha vendet e para

“Bukuri hyjnore, e mahnitshme, magjike, fine, kryevepër”- këto janë vetëm një pjesë e vogël nga komentet lidhura me veshjet, që qe treguar për herë të parë  në turneun në Moskë (në shkurt 2021) dhe shkaktoi një habi të vërtetë. Gërshetimi tepër i veçantë i elementeve nga qëndisja popullore u bëri një përshtypje të madhe komentuesve rus: “Një kombinim i pazakonshëm të veshjes me kostum popullor bullgar, një qasje shumë interesante. Është shumë gjë e mirë dhe e këndshme kur gjimnastet në disa nga kombinimet e tyre përfshijnë dhe tematikën kombëtare, kjo është shumë e ndjeshme dhe kjo duket dhe në paraqitjet e tyre”-shënuan ata.


Për Kupën Botërore në Sofje (26-28 mars 2021) dizajnjerja kërkoi zgjidhje të ndryshme, të guximshme, jo standarde madje dhe ekstravagante. Befasia e madhe ishin veshjet për kompozicionin e ri të ansamblit të vajzave.


“Kur gjimnastet dalin në qilim, ne fare nuk mendojmë për punën tonë, por shikojmë që ato të mund të luajnë kompozicionet e tyre pa gabim - pohon dizajnjerja . Jemi shumë të lumtur dhe shumë krenare, se na jepet mundësia të kujdesemi  për pamjen dhe vizionin e sportisteve tona kombëtare të gjimnastikës ritmike dhe puna jonë të shikohet në ngjarjet më të mëdha sportive”.

Foto: fbgr.org, Nevjana Bratanova

Përgatiti në shqip: Nataniela Vasileva 



Последвайте ни и в Google News Showcase, за да научите най-важното от деня!

Më shumë nga rubrika

Një ekspozitë multimediale paraqet historinë dhe zërat e BNR

Më 25 janar 2025 mbushen 90 vjet nga krijimi i Radios Kombëtare Bullgare. Media jonë e feston përvjetorin me një sërë ngjarjesh. Në një transmetim special sot do të prezantohet një projekt multimedial - një ekspozitë virtuale, e cila do të jetë e..

botuar më 25-01-22 8.10.PD
Monumenti i Arkitektit Dabko Dabkov në qendër të Varnës

150 vjet nga lindja e Ark. Dabko Dabkov, i cili la një gjurmë të ndritshme në pamjen e qytetit bregdetar Varna

Komuna e Varnës organizon një festë për 150 vjetorin e lindjes së arkitektit të madh Dabko Dabkov (21 janar 1875 - 8 prill 1945). Përvjetori do të shënohet me një bisedë me temën "Njeriu - Arkitek Dabko Dabkov" nga Hristijan Obllakov - autor i..

botuar më 25-01-21 6.10.PD

Kisha Ortodokse Bullgare dhe Radioja Kombëtare Bullgare bashkojnë forcat në mbështetjen shpirtërore të bashkatdhetarëve jashtë vendit

Mitropoliti i Evropës Perëndimore dhe Qendrore Antonij dhe Drejtori i Përgjithshëm i Radios Kombëtare bullgare (BNR) Milen Mitev nënshkruan një memorandum bashkëpunimi në selinë e dioqezës së Kishës Ortodokse Bullgare – Patrikana Bullgare për Evropën..

botuar më 25-01-20 2.19.MD