Pavarësisht se kur do të formohet qeveria e re në Bullgari, Sofja dhe Shkupi nuk duhet të humbasin kohë dhe duhet të ndërmarrin hapa konkretë drejt afrimit. Ata duhet të hapin rrugën për fillimin e negociatave për pranimin e Maqedonisë së Veriut në BE sa më shpejt të jetë e mundur, tha Ministri i Jashtëm austriak Alexander Schalenberg në një intervistë me Agjencinë Maqedonase të Lajmeve.

Schalenberg këmbëngul që çështjet dypalëshe dhe historike të ndahen nga procesi i fillimit të negociatave midis Maqedonisë së Veriut dhe BE. Ai tha se nëse është e nevojshme, Austria është e gatshme të ofrojë kapacitetin e saj si ndërmjetës në negociatat bilaterale, transmeton BGNES.