Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Këngë për Botevin

Foto: RKB-arkiv

Revolucionar, poet, gazetar, botues, gjatë jetës së vet të shkurtër Hristo Botev krijoi rreth 20 vjershash. Megjithëqë krijimtaria e tij nuk është e madhe për nga vëllimi edhe më sot ajo konsiderohet një majë në letërsinë bullgare. Emocionuese dhe prekëse janë vargjet e shkruara prej tij kur u trondit nga varja e Vasill Levskit. Shumë shpejtë ato u kthyen në një këngë që akoma interpretohet në kujtim të Apostullit të Lirisë. Popullaritet të madh ka edhe balada “Haxhi Dimitër” në të cilën lavdërohet trimëria e këtij luftëtari që sakrifikoi jetën për çlirimin kombëtar. Kjo baladë e kthyer në këngë gjithashtu perceptohet si një simbol i respektit dhe mirënjohjes ndaj heronjve bullgarë. Në variantin e saj instrumental, në interpretim të korit ose të solistëve, kënga “Haxhi Dimitër” është pjesë e pandarë e ceremonive solemne më 2 qershor.

Shumë prej vjershave të poetit revolucionar Hristo Botev filluan të këndohen shpejtë pas krijimit të tyre. Në shekullin e XX Aleksandër Rajçev, Aleksandër Tanev, Simeon Pironkov dhe një sërë kompozitorësh të tjerë të njohur bullgarë kompozouan vepra të tyre vokal-instrumentale mbi krijimet e heroit tonë kombëtar.

Vepra e parë e frymëzuar nga trimëria e Botevit dhe e çetës së tij u krijua para 145 vjetësh – më 20 maj të vitit 1877, disa ditë pasi revolucionari vuri këmbë në bregun bullgar të Danubit. Vjersha titullohet “Radecki”, por bëhet më e njohur si “Danubi i qetë dhe i bardhë”. Autor është patriku i letërsisë bullgare Ivan Vazov. Në kujtimet e tij ai shkruan: “Të gjithë ishin të ngazëlluar, detajet për veprën e guximshme dhe në dukje legjendare, transmetoheshin me gojë nga goja. I impresionuar nga kjo ngjarje, unë shkrova vjershën time “Danubi i qetë dhe i bardhë”, i cili shumë shpejt fitoi një popullaritet të madh dhe u kthye në një këngë...”

Muzeu-anije “Radecki”

Më shumë fakte interesante rreth këngës kushtuar Botevit do të lexoni në botimin e Radio Bullgarisë “Historia e këngës “Danubi i qetë dhe i bardhë”.

Përpilues: Allbena Bezovska

Përgatiti në shqip: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

Arsyet për zjarrvënien e Shtëpisë së Partisë edhe sot e kësaj dite mbeten të mbuluara me mister

Mbushen 35 vjet nga një moment emblematik i historisë postkomuniste të Bullgarisë, i cili shënoi dekadat në vijim të tranzicionit të saj drejt demokracisë – zjarrvënia e Shtëpisë së Partisë. Arsyet për atë që ndodhi edhe sot mbeten të mbuluara me..

botuar më 25-08-26 5.10.PD
Foto: Këshilli i Qytetit të Bollgradit/Facebook

Qyteti ukrainas Bollgrad me popullsi mbizotëruese bullgare feston 204 vjet histori

Bollgradi në rajonin e Odesës, Ukrainë, shënon sot, 25 gusht, 204 vjet nga themelimi i tij me një program kulturor në sheshin qendror dhe në institucionet kulturore të qytetit, raportoi BTA. Festimet janë pjesë e një festimi tre-ditor të Ditës së..

botuar më 25-08-25 12.34.MD

Vëllazëria e Bardhë pret Vitin e Ri Hyjnor

Ndjekësit e mësuesit shpirtëror Beinsa Duno (Petër Dënov), të njohur si Vëllazëria e Bardhë, e presin Vitin e Ri Hyjnor më 19 gusht tek Shtatë Liqenet e Rilës – në ditën e Shpërfytyrimit të Krishtit sipas kalendarit të vjetër. “Kjo ngjarje qendrore..

botuar më 25-08-19 5.55.PD