Nga 29 korriku hyrja në Bullgari e atyre që mbërrijnë nga vendet në zonën e kuqe të pandemisë do të bëhet pas paraqitjes së një certifikate vaksinimi ose të kalimit të koronavirusit, dhe të një testi negativ PCR të bërë deri në 72 orë para udhëtimit. Në urdhëresën e vjetër nuk kishte opsion për vërtetimin e kalimit të sëmundjes. Përveç bullgarëve dhe banorëve të përhershëm të Bullgarisë, në Bullgari do të mund të hyjnë edhe personat që vijnë nga zona e kuqe dhe janë shtetas të BE -së, Zonës Ekonomike Evropiane dhe Zvicrës. Vendi mbetet i mbyllur për ata që vijnë nga Mbretëria e Bashkuar. Ata që vijnë nga zona e kuqe dhe nuk kanë certifikatë vaksinimi ose certifikatë për kalimin e sëmundjes mund të hyjnë në vend me një test negativ PCR, por duhet të qëndrojnë në karantinë për 10 ditë. Kërkesa u përket si të huajve, ashtu edhe bullgarëve.

Ministria e Shëndetësisë ndryshoi rregullat e hyrjes në minutën e fundit, duke marrë parasysh rekomandimet e Avokatit të Popullit, pas dhjetëra ankesave të bullgarëve nga Britania e Madhe.