Në një deklaratë parlamentare, partia “Ka një popull të tillë” (ITN) akuzoi përfaqësuesit e të ashtuquajturve parti të protestës – “Bullgaria Demokratike”, “Ngrihu.BG! Ne po vijmë!”, si dhe BSP në hipokrizi, mungesë parlamentarizmi dhe ambicie për pozicione në negociatat për formimin e një qeverie me mandatin e ITN.

Një kabinet me një horizont prej 6 muajsh për t'u marrë me valën e re të koronavirusit, propozoi nga tribuna parlamentare udhëheqësja e socialistëve Kornelija Ninova. Ajo bëri thirrje për arsye dhe dialog në zbatimin e mandatit të tretë për të formuar një qeveri, për të cilën BSP është gati.

Në emër të “Ngrihu.BG! Ne po vijmë!” Maja Manollova tha gjithashtu se koalicioni i tyre do të bëjë çdo përpjekje për të formuar një kabinet me një mandat të tretë, kujtdo që të shkojë.

Kriza shëndetësore dhe ekonomike nuk mund të zgjidhet me retorikë anti-DPS, tha kryetari i Lëvizjes për të Drejtat dhe Liritë (DPS) Mustafa Karadajë, duke shtuar se ata pritën më shumë dialog dhe një vizion për reformën pas zgjedhjeve të fundit parlamentare.

Ka të ngjarë që kriza politike të kthehet në të kushtetuese, paralajmëroi kryetarja e grupit parlamentar të GERB Desisllava Atanasova. Ajo kërkoi që presidenti të vendosë për rastin pasi përbërja e qeverisë ITN nuk u votua në parlament.