Tubimi tradicional i karakaçanëve do të mbahet nga 20 deri më 22 gusht në zonën “Karandila” pranë qytetit Sliven pas një pushimi njëvjeçar për shkak të epidemisë së koronavirusit. Deri në mesin e shekullit të kaluar, karakaçanët ishin nomadë që jetonin nga mbarështimi i deleve. Ata dalloheshin nga mënyra e tyre origjinale e jetesës dhe kulturës. Organizatorët e tubimit kanë planifikuar një program të pasur kulturor me pjesëmarrjen e grupeve të vallëzimit nga Bullgaria dhe Greqia, një konferencë shkencore për të ruajtur traditat karakaçane dhe për të përshtatur ato me jetën moderne. Aktualisht, rreth 20 000 njerëz nga grupi etnik karakaçan jetojnë në Bullgari dhe komuniteti më i madh banon në bashkitë e qyteteve Sliven dhe Karllovo.