“Ne kemi siguruar ilaçe paraprakisht, po hapim gradualisht shtretërit për pacientët me Covid, është siguruar oksigjen të mjaftueshëm”. Këtë e evidentoi Ministri i Shëndetësisë Stojço Kacarov në një takim me ambasadorët e vendeve anëtare të BE-së në vendin tonë. Ai theksoi se numri i të infektuarve ka ardhur në rritje gjatë javëve të fundit dhe sistemi i kujdesit shëndetësor është afër kapacitetit maksimal. “Situata me pandeminë në vend është e vështirë, por ende është nën kontroll”, tha Kacarov. Nëse masat e vendosura me “certifikatën e gjelbër” nuk japin rezultat, alternativa është vendosja e një bllokimi, tha Kacarov. Sipas tij, megjithatë, bllokimi ende mund të shmanget.