Sopranoja me famë botërore Sonja Jonçeva u bë avokate për të drejtat e fëmijëve. Këngëtarja e talentuar e operës është ambasadorja e re kombëtare e vullnetit të mirë të UNICEF-it në Bullgari.

“Unë jam rritur në Bullgari dhe kam një përkushtim të fortë personal ndaj fëmijëve në vendlindje. Do të doja t'u tregoja atyre se ëndrrat mund të realizohen vërtet nëse besojnë në to dhe nëse ndjekin rrugën e tyre vazhdimisht”, tha Jonçeva.

"Me angazhimin e saj të fortë ndaj fëmijëve që kanë nevojë për arsimim më të mirë, akses në shërbime, mbështetje për shëndetin psikik, mbrojtje nga dhuna dhe reduktimi i varfërisë, Sonja është një luftëtare e fortë në arritjen e qëllimeve të UNICEF-it," tha Christina de Brown - përfaqësuesja e UNICEF-it në Bullgari.