Nga sot, 4 nëntor, në Bullgari pezullohet përkohësisht pranimi i planifikuar dhe aktiviteti i planifikuar operativ në institucionet mjekësore. Kjo thuhet në urdhrin e Ministrit të Shëndetësisë Stojço Kacarov të datës 3.11.2021. Lejohen përjashtime për transplantimet, diagnostikimin dhe trajtimin e pacientëve me sëmundje onkologjike dhe onkohematologjike, procedurat in vitro dhe lindjet, si dhe për rehabilitimin, trajtimin afatgjatë dhe aktivitetet e kujdesit psikiatrik.

Synimi është të lehtësohet presioni mbi spitalet dhe, nga ana tjetër, të lejohet ristrukturimi i reparteve të pangarkuara në njësi Covid dhe ekipet mjekësore të riorientohen për t'u shërbyer pacientëve me Covid-19.

Certifikatat e vaksinimit do të jenë të vlefshme 15 ditë pas vendosjes së dozës së parë të vaksinimit me dy doza dhe me një dozë. Mbyllen qendrat dhe klubet e fëmijëve, grupet e organizuara për fëmijë, etj. Ndalohen vizitat në spitale, përveç për pacientët në gjendje shumë të rëndë, si dhe në azile dje jetimore. Nuk do të kërkohet certifikata jeshile për personat nën moshën 18 vjeç. Për dhënien e certifikatës nuk merren parasysh analizat që vërtetojnë antitrupat ndaj sëmundjes, por masa është duke u diskutuar.