Ish-kryeministri dhe lideri i partisë GERB, Bojko Borisov, tha në konferencën për media se për momentin GERB është forca e parë politike dhe si e tillë është e detyruar të propozojë një qeveri. GERB do t'i ftojë të gjithë, por nëse ata refuzojnë, atëherë GERB nuk do të negociojë me ta, bëri të ditur gazetarja e BNR Violeta Ashikova.

Ulja e madhe e përqindjes së votuesve për partinë "Ka një popull të tillë" /ITN/ - e cila nga forca e parë politike në zgjedhjet e korrikut arriti në 8-9% në këto zgjedhje, tregon se sa të ndjeshëm janë bullgarët ndaj papërgjegjshmërisë. Pasi shpenzuam miliona leva, arrijmë të njëjtin rezultat si në korrik, por tani GERB është në garë me "Po e vazhdojmë ndryshimin" në vend të "Ka një popull të tillë", tha Borisov.