Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Maqedonia e Veriut falënderon Bullgarinë për reagimin e shpejtë ndaj tragjedisë në Autostradën “Struma”

Qeveria bullgare do të shpallë ditë zie për viktimat nga Maqedonia e Veriut

| rinovuar më 21-11-23 12.58.MD
Foto: BGNES

Tragjeditë janë ato që na bëjnë njerëz dhe simpatizues pa dallim të kombësisë së atyre që nuk janë më në mesin tonë, tha Kryeministri në detyrë Stefan Janev në konferencën e përbashkët për shtyp në Këshillin e Ministrave me Kryeministrin e Republikës së Maqedonisë së Veriut Zoran Zaev. Sofja do të shpallë ditë zie në kujtim të viktimave që humbën jetën në autostradën e Strumës, ku një autobus maqedonas u rrëzua dhe mori flakë, shtoi Janev.

Autoritetet në të dyja vendet kanë koordinim në sektorët e punëve të jashtme, punëve të brendshme dhe të shëndetësisë. Prokuroritë e të dyja vendeve po punojnë gjithashtu, siguroi Janev

Zoran Zaev tha se viktimat janë 46, duke përfshirë 11 fëmijë. Deri më tani, informacioni ishte për 45 viktima. “Ne punojmë së bashku për hetimin në nivelin më të lartë”, ka konfirmuar Zaev. I pyetur nëse tragjedia do të ndikojë në marrëdhëniet mes dy vendeve tona, Zaev komentoi: “Ne jemi së bashku edhe në të mirë, edhe në të keqe. Po, kjo tragjedi do të ndikojë në qëndrimin tonë. Në mënyrë pozitive, sepse duhet të ndihmojmë njëri-tjetrin kur është e vështirë dhe të ndajmë gëzimet”.

“Nga pikëpamja thjesht politike – nëse dhe si do të zhvillohen marrëdhëniet dhe bisedimet mes dy vendeve – kam besuar gjithmonë te dialogu. Shpresoj të kërkojmë një zgjidhje reciproke të dobishme për të dy vendet dhe në interes të popujve në të dy anët e kufirit, tha Janev.

Presidenti bullgar Rumen Radev i shprehu ngushëllime homlogut të tij nga Maqedonia e Veriut, Stevo Pendarovski për aksidentin e rëndë në Autostradën “Struma”, ku humbën jetën 45 persona në një autobus maqedonas.

“Në këtë kohë të vështirë, Bullgaria dhe Maqedonia e Veriut ndajnë pikëllimin, solidaritetin dhe ndjeshmërinë e përbashkët. Dhjetëra jetë të humbura janë një humbje e pafalshme për vendet tona vëllazërore”, theksoi Radev.

Stevo Pendarovski shprehu pritjen se organet kompetente do të bëjnë hetime të plota për të përcaktuar shkaqet e tragjedisë, e cila nuk mbahet mend në historinë e Maqedonisë.

“Falënderoj autoritetet bullgare për reagimin e shpejtë”, tha Ministri i Shëndetësisë i Maqedonisë, Venko Filipçe, i cili së bashku me Kryeministrin Zoran Zaev dhe Ministrin e Jashtëm Bujar Osmani vizituan Spitalin “Pirogov” në Sofje. “Të gjithë janë të stabilizuar dhe për një ose dy ditë do t'i transferojmë në Shkup”, tha Osmani.




Последвайте ни и в Google News Showcase, за да научите най-важното от деня!

Më shumë nga rubrika

Presidenti Rumen Radev

Presidenti Rumen Radev: Vetëm Parlamenti mund të vendosë nëse do të ketë një referendum për euron

Bullgaria është zotuar t'i bashkohet monedhës së përbashkët evropiane që me nënshkrimin e traktatit për pranimin e saj në BE. Kështu ua ka kujtuar presidenti Rumen Radev studentëve të Universitetit të Plovdivit “P. Hilendarski”. Fjalët e kreut të shtetit..

botuar më 25-03-13 4.13.MD

Gjithnjë e më shumë njerëz vuajnë nga problemet e veshkave për shkak të palëvizshmërisë dhe peshës së tepërt

Rritet numri i personave me probleme me veshkat, njoftoi në Ditën e sotme Botërore të Veshkave prof. Biser Borisov, shef i Klinikës së Nefrologjisë në Spitalin Universitar "Dr.Georgi Stranski" në Pleven. Sipas tij, sëmundjet kronike të veshkave prekin..

botuar më 25-03-13 12.56.MD

Bojkoti i pestë radhazi i zinxhirëve tregtarë

Qytetarët do të heqin dorë nga blerjet në dyqanet e mëdha dhe shërbimet bankare sot. Arsyeja e bojkotit për të pestën javë radhazi janë çmimet e larta të produkteve ushqimore bazë dhe kërkesa për të pranuar një kufi për tarifat bankare. Nismëtarët..

botuar më 25-03-13 9.43.PD