Për shkak të rritjes së çmimit të energjisë në bursë, bizneset do të marrin kompensim nga shteti si për dhjetorin ashtu edhe për tremujorin e parë të Vitit të Ri, tha Ministri i Energjetikës Aleksandër Nikollov. Firmat, kontratat afatgjata të të cilave bazohen në të paktën 185 leva (95 euro) për megavat-orë do të kompensohen me 75 për qind të diferencës ndërmjet çmimit të parashikuar dhe atij të bursës, por jo më shumë se 30 për qind të çmimit real. Parashikohet edhe kompensimi për ngrohje qendrore për shkak të rritjes së çmimit të gazit natyror. Masat e shpallura duhet të miratohen edhe nga Komisioni Evropian, i cili do të vlerësojë nëse ndihma nuk është në kundërshtim me rregullat e konkurrencës.