Në të gjitha kishat e vendit u shërbyen mesha të shenjta solemne kushtuar Lindjes së Krishtit. Në katedralen “Shën Aleksandër Nevski” në Sofje Patriku Neofit bekoi bullgarët dhe i uroi për festën e madhe të krishterë.
Ai u bëri thirrje besimtarëve që të mos tundohen nga joshjet e botës dhe të mos lejojnë që besimi i tyre të shkatërrohet. “Vuajtjet, dhimbja dhe pikëllimi, që janë ende sot rreth nesh, të mos na bëjnë të dyshojmë në të vërtetën e fjalëve të Zotit, por në çdo sprovë të shohim një mundësi për të imituar Krishtin në shfaqjen e asaj dashurie për të afërmit që Ai vetë na tregon”, shtoi patriarku.
“Në sprovën e pandemisë, ne jemi dëshmitarë të kaq shumë pikëllimit dhe dhimbjes nga jeta të panumërta njerëzore të humbura para kohe. Të jemi të urtë dhe të mirë, të lutemi për mjekët dhe për të gjithë ata që luftojnë për shëndetin dhe ruajtjen e jetës njerëzore. Zoti i forcoftë!”, tha Patriarku Neofit.
Në mesazhin e Krishtlindjes drejtuar besimtarëve Patriku bëri apel të “tregojmë dashurinë tonë të krishterë me veprat tona dhe jo vetëm në ditët e bekuara, por çdo ditë të jetës sonë!” “Mendimet dhe veprat tona duhet t’u drejtohen vazhdimisht të gjithëve përreth nesh, të cilët janë në nevojë ose në vështirësi, të braktisur ose të mënjanuar nga shoqëria, që vuajnë nga një ose një tjetër vuajtje fizike ose shpirtërore! Vetëm atëherë do të jemi në gjendje ta mirëpresim vërtetë dhe me dinjitet në zemrat tona Foshnjën Jezus dhe të festojmë me gëzim të plotë”, tha në mesazhin e vet Patriku Neofit.
Qyteti i dytë më i madh në Bullgari Plovdiv do të ofrojë koncerte, pazare dhe një park akulli për festat e Krishtlindjeve dhe të Vitit të Ri për qytetarët dhe mysafirët e tij, njoftoi bashkia. Tradicionalisht, kryetari i bashkisë Kostadin..
Të enjten , temperaturat minimale do të jenë nga 3 deri në 19°, në lindje deri në 15-19°, ndërsa në Sofje do të jetë rreth 6°. Gjatë ditës do të jetë me re dhe me shi. Shira të konsiderueshëm do të ketë që gjatë natës në Bullgarinë Perëndimore,..
Autonomia e rajonit të Taraklia-s do të ruhet në kuadër të reformës së ardhshme të administratës shtetërore të Moldavisë. Këtë e siguroi kryeministri moldav Alexandru Munteanu në një takim me ambasadoren bullgare Maja Dobreva, raporton Ambasada e..
Rritja e pagës minimale (PM) mbështetet nga 54.1% e bullgarëve. Një e treta e të anketuarve mendojnë se PM duhet të jetë e barabartë me pagën e nevojshme..