Mundësitë për pjesëmarrjen e nxënësve bullgarë në kampin kozmik të modeluar sipas NASA-s në Turqi po zgjerohen. Për këtë njoftoi në eterin e Radio Sofjes Mirosllava Dimitrova – koordinatore në Qendrën për Trajnime Krijuese. Janë të siguruara 8 bursa të plota dhe 30 bursa të pjesshme shtesë. Për të marrë pjesë në konkurs, të rinjtë në moshë nga 11 deri në 15 vjeç, duhet të shkruajnë ese ose të xhirojnë një video ese me temën “kozmos”.

Kampi Kozmik në Turqi (Space Camp Turkey) është një qendër mësimi dhe trajnimi për nxënës, kushtuar shkencave dhe studimeve kozmike, në qytetin Izmir të Turqisë. U krijua sipas modelit të NASA-s dhe tashmë për më shumë se 20 vjet pret fëmijë dhe të rinj nga Evropa, Lindja e Mesme dhe Azia.