Duke u shëruar me sukses nga koronavirusi në Akademinë Mjekësore Ushtarake në Sofje, animatori me famë botërore Teodor Ushev nuk ndalon së pikturuari dhe së dërguari mesazhe në rrjetet sociale. Teoja është animatori më i vlerësuar bullgar.
Filmat e tij kanë fituar mbi 80 çmime të ndryshme dhe ai ka një nominim për Oskar për filmin “Vajsha e verbër”. Kurse në fillim të karrierës së tij një rol të rëndësishëm luajti dhe “Radio Bullgaria".
Në një nga postimet e tij të fundit, krijuesi i dashur bullgar ka vënë vizatimin e tij të syve të mjekëve që kujdesen për të në repartin e spitalit, me komentin e mëposhtëm:
“Gjëja më e rëndë e kësaj sëmundjeje është se madje nuk mund të shikosh fytyrat e njerëzve, të cilët të kanë shëruar. I shikon vetëm sytë e tyre. Në bazë të tyre mund të gjykosh nëse ata të buzëqeshin, nëse janë të lodhur. Çdo gjë kalon përmes tyre. Në fillim fare nuk mund të orientohesh se kush - kush është. Pas kësaj mësohesh. Ti je një njeri i tërë, një njeri përpara tyre. Kurse ata - ata janë sy të shqetësuar, por plotë dritë, të përmbushur me shumë mirësi dhe kujdes...
Përkulem para këtyre njerëzve, punonjësit e mjekësisë.Shpresoj t'i njoh një ditë në rrugë kur t'i takoj.
Prandaj i pikturova, që të mund t’i mbaj mend.”
Teo Ushev u pranua për mjekim në Akademinë Ushtarake Mjekësore në fund të vitit, disa ditë pasi kishte njoftuar se kishte marrë një dozë përforcuese.Pavarësisht nga kjo animatori nuk pendohet dhe nuk i vjen keq se është imunizuar. Nga dhoma e tij në spital, ai pikturoi fytyrën e frikës dhe e quajti pikturën e tij:
Fear. A look at the eyes of a neighbour. Sketches from the Covid chamb.
Frikë. Vështrimi i një njeriu të sëmurë. Piktura nga Kovid dhoma.
Animatori i talentuar publikoi një seri prej peizazheve të bukura, të cilat vihen re nga dritarja e kovid-repartit. Në to një vend qendror zë mali i dashur i kryeqytetasve Vitosha. Kjo është një nga pikturat e tij më të reja, ajo është e quajtur Landscapes from the Covid chamb. Sunny winter day at Vitosha mountain.
Përpiloi: Veneta Nikollova
Përgatiti në shqip: Nataniela Vasileva
Foto: Teodor Ushev
Për mrekullitë në jetë, për aftësinë tonë për të ndjekur rrugën dhe për të mos tradhtuar besimin tonë flet filmi i ri bullgar "Mos i mbyll sytë", i cili shfaqet në kinematë e vendit. E thënë shkurt, historia është si vijon: një prift - At Pavell -..
Dita e Shën Valentinit zë një vend të veçantë në programin e Operës së Varnës. Pikërisht më 14 shkurt publiku do të ndjekë historinë e madhe muzikore të dashurisë për princeshën kineze Turandot, në operën me të njëjtin emër të Puccinit. Rolin e Princit..
Filmi i ri bullgar "Terapia", premiera e të cilit është më 7 shkurt, është përzgjedhur për të marrë pjesë në disa festivale ndërkombëtare në SHBA dhe Evropë, transmeton BTA. Midis tyre janë edicioni i 78-të i Festivalit Ndërkombëtar të Filmit në Salerno..
Për mrekullitë në jetë, për aftësinë tonë për të ndjekur rrugën dhe për të mos tradhtuar besimin tonë flet filmi i ri bullgar "Mos i mbyll sytë", i cili..
Dita e Shën Valentinit zë një vend të veçantë në programin e Operës së Varnës. Pikërisht më 14 shkurt publiku do të ndjekë historinë e madhe muzikore të..
Mot i kthjellët
Vranësira
Vranësira
Vranësira të dendura
Pjesërisht me re