Presidenti Rumen Radev dhe ekipi i tij që mori pjesë në mbledhjen e Këshillit Konsultativ të Sigurimit Kombëtar më 10 janar u izoluan. Shkaku është testi pozitiv për Covid i kryetarit të Kuvendit Popullor Nikolla Minçev.

Zyra e shtypit e kreut të shtetit njoftoi se të gjithë janë në gjendje të mirë shëndetësore dhe se u ndërmorën të gjitha masat për funksionimin normal të institucionit presidencial.

Nga qendra qeveritare e shtypit njoftuan se Kryeministri Kirill Petkov dhe Shefja e Kabinetit të tij Lena Borisllavova gjithashtu janë nën karantinë. Zëvendëskryeministrja për Qeverisje Efektive Kalina Konstantinova do t’i përmbushë zotimet aktuale të Kryeministrit Petkov derisa ai punon në distancë.