Më 18 janar adhurojmë “Atin e Ortodoksisë” siç e quajtën Shën Athanasi që kur ishte gjallë. Ai lindi në Egjipt në vitin 295. Teolog dhe klerik, Patrik i Aleksandrisë nga viti 328 deri në vitin 373, Shën Athanasi i Madh ishte i pari, që përhapi në Evropë murgjërinë e lindur në Egjipt.
Populli bullgar e respekton shenjtorin edhe si mbrojtës i dëborës dhe i akullit. Është shumë i përhapur besimi, se në ditën e festës së tij Shën Athanasi shkon në mal i hipur një kalë të bardhë. Ai heq gëzofin e tij, vesh një këmishë mëndafshi dhe bërtet: “Iku dimër që të vijë vera!”. Prandaj dhe bullgari beson se nga ajo ditë e tutje dimri fillon të tërhiqet dhe t’i lërë vend Pranverës dhe natyrës që po fillon të ringjallet.Në përfytyrimet popullore Shën Andoni, të cilin e respektojmë një ditë më parë më 17 janar, dhe Shën Athanasi janë vëllezër binjakë. Për këtë arsye Ditën e Shën Athanasit në disa rajone të vendit kryheshin rite për vëllazërim – me bindjen se vëllezërit binjakë Andoni dhe Athanasi do të kujdesen për vëllezërit dhe do të mbrojnë farefisnia e tyre.
Ditën e Shën Athanasit përveç atyre që mbajnë emrin e shenjtorit, festë kanë edhe farkëtarët. Kjo lidhet edhe me legjendën, sipas së cilës Andoni dhe Athanasi ishin farkëtarë, edhe shpikën pincat e kovaçit. Më shumë për të dy shenjtorët mund të lexoni në botimin “Shën Andoni dhe Shën Athanasi” nga koleksioni i Radio Bullgarisë.
Redaktore: Elena Karkallanova
Përgatiti në shqip: Svetllana Dimitrova
Shenjtërorja trake e Begliktashit ndodhet 5 km nga qyteti i Primorsko dhe është vetëm një nga kuriozitetet interesante në rajon. Në zonën përreth shihen edhe dolmenë të shumtë të ruajtur mirë që lidhen me ritualet e varrimit të fiseve trake. Në fakt,..
Pas festës së madhe të Fjetjes së Hyjlindëses, Lindja e Nënës së Zotit kremtohet me nder të veçantë në Bullgari. Kisha jonë e feston atë më 8 shtator, së bashku me kishën ortodokse greke, ndërsa kishat e tjera ortodokse lokale e kremtojnë festën më 21..
Më 6 shtator 1885, Bullgaria u bë përsëri një shtet i bashkuar. Në një intervistë për Radio Bullgarinë, profesori i Universitetit të Sofjes "Shën Kliment Ohridski" Ivan Illçev foli për faktorët që çuan drejt Bashkimit, kur Principata e Bullgarisë dhe..
Vranësira të dendura me shi
Vranësira të dendura
Vranësira