Politika e qeverisë është për reformë të thellë në drejtësi dhe kundërveprim efektiv ndaj korrupsionit. Nuk bëhet fjalë aspak për zëvendësimin e personaliteteve. Kështu iu përgjigj me shkrim kryeministri Kirill Petkov grupit të monitorimit në Parlamentin Evropian, pasi u pyet për deklaratat e tij publike se: “roli ynë është të emërojmë njerëz në prokurori dhe në komisionin kundër korrupsionit”.

“Bëhet fjalë t’i jepet fund praktikës që në sistemin gjyqësor dhe në pushtetin ekzekutiv të emërohen kuadro politike dhe “të shpërndahen” role drejtuese të personave që nuk kanë cilësitë e nevojshme profesionale dhe morale. Gjykata e Specializuar dhe Prokuroria e Specializuar në formën e tyre aktuale nuk janë mjet efektiv për luftimin e krimit të organizuar dhe deri më tani shfrytëzohen vetëm si mjet politik”, shtroi Petkov.