Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Një qendër moderne informacioni do të shërbejë vizitorët në Sinagogën e Vidinit

Foto: vidin.bg

Është gati godina e qendrës së informacionit turistik pranë sinagogës së qytetit Vidin, e cila në këtë moment po restaurohet me mjete në bazë të projektit evropian. Pritet që deri në fund të muajit nëntor të këtij viti, tempulli 125 vjeçar të restaurohet plotësisht dhe të hapet për turistët që do të shërbehen  nga qendra e informacionit turistik në fjalë. Në godinën ndihmëse pranë sinagogës do të ketë po kështu dhe kafe dhe zonë për pushim. “Ideja është që të krijojmë një mjedis më interesant dhe atraktiv në kuadrin e vet sinagogës” - thotë  për BNR-Vidin drejtuesi i projektit arkitekti Angjell Nedjallkov dhe shtoi:

“Në katin e parë - kjo do të jetë një sallë shumë funksionale, e cila do të ketë qëllime të ndryshme, në varësi se çfarë ngjarje do të ketë, duke përfshirë këtu dhe zhvillimin e koncerteve. Në po këtë godinë do të ketë dhe një sipërfaqe të përhershme - ekspozitë të Zhul Paskin, si dhe një ekspozitë të përhershme me pankarta, ku do të paraqiten momente individuale nga historia e vet ndërtesës. Do të ketë dhe një  dhomë për donatorët, për komunitetin hebre, si dhe një bibliotekë të vogël ku do të mbahen takime të ndryshme...Qëllimi është që të ketë një komoditet më të madh për vizitorët....”


Ndërkohë, tanimë për muaj të gjashtë të radhës, po vazhdon restaurimi i Sinagogës dhe kthimi i saj në një qendër kulturore, e cila do të mbajë emrin e piktorit kozmopolit me një origjinë hebreje, i cili ka lindur në qytetin Vidin Zhul Paskin /1885-1930/. Restauruesit e sinagogës ndeshen dhe me disa sfida: 

“Deri tani punohej kryesisht në derdhjen e themeleve shtesë, të cilat të forcojnë fondamentin e godinës - tha arkitekti Angjell Nedjallkov. Pasi të bëhen të gjitha veprimet përforcuese, do të fillohet të punohet në lartësi. Kjo punë është shumë delikate. Nuk është si të ndërtosh një ndërtesë të re, sepse puna është shumë e veçantë.”

Sinagoga e qytetit Vidin është e ndërtuar në fund të shekullit të 19 dhe është e dyta për nga madhësia në Bullgari. E quajnë akoma “Mjellma e Bardhë” për shkak të fasadës së saj shumë të bukur, e cila në të kaluarën është parë akoma që nga lumi Danub. Pas vitit 1949, sinagoga e ndërpret veprimtarinë e vet si një kishë për lutje dhe deri në vitet 60 të shekullit të kaluar është përdorur nga pushteti ateistik për nevoja të ndryshme jofetare, pas së cilës godina është braktisur në mëshirën e fatit. Restaurimi i monumentit unikal të kulturës u bë i mundshëm në sajë të përpjekjeve të përbashkëta të organizatës së hebrenjve në Bullgari “Shalom” dhe të bashkisë së qytetit Vidin, e cila fitoi një projekt në kuadrin e programit operativ “Regjione në rritje”, me vlerë 10 milionë leva /5 milionë euro/.

Përpiloi: Veneta Nikollova/ në bazë të materialeve të Stefka Pavllovës dhe të Nedka Lillkovës, BNR-Vidin/

Përgatiti në shqip: Nataniela Vasileva 

Foto: vidin.bg, BGNES



Последвайте ни и в Google News Showcase, за да научите най-важното от деня!

Më shumë nga rubrika

Momçillovci ofron rehati rurale dhe prehje shpirtërore në zemër të malit Rodopa

Natyra e pastër, rehati shtëpiake, ushqime të shijshme dhe emocione të llojllojshme - Momçillovci është një parajsë për adhuruesit e turizmit rural. Në kulmin e sezonit turistik, si gjatë dimrit, ashtu edhe gjatë verës, bujtinat dhe restorantet në..

botuar më 25-03-30 7.05.PD

Nga Kina përmes Baltikut deri në Rodopet Lindore - bullgari investon në përjetime të reja

Bullgarët po udhëtojnë gjithnjë e më aktivisht dhe po shpenzojnë më shumë para për udhëtime - si në destinacionet e afërta ashtu edhe në ato të largëta. Vitin e kaluar ata bënë rreth 9 milionë udhëtime jashtë vendit,dhe destinacionet më të njohura..

botuar më 25-03-29 9.25.PD
Festivali

Nga fundjava e midhjeve e gjer te pushimet në kinema, ose si Burgas i tërheq turistët

Verën e kaluar Burgasi dhe fshatrat turistikë përreth pritën rreth 600 mijë turistë bullgarë dhe të huaj, që është 21% më shumë se në vitin 2023. Megjithatë kohët e fundit qyteti ynë i Detit të Zi po zhvillohet edhe si një qendër kulturore, duke..

botuar më 25-03-27 7.15.PD