Banka Bullgare për Zhvillimin do të ndihmojë kompanitë në rast rritjeje të papritur të çmimeve të energjisë elektrike, njoftoi Ministri i Inovacioneve dhe Rritjes Daniell Llorer. Për këtë qëllim do të jepen kredi deri në 200 mijë leva për ndërmarrjet e vogla dhe të mesme për një periudhë 4 mujore. Përmasa e financimit do të përcaktohet sipas vlerës neto (pas zbritjes së kompensimit nga shteti) të faturave për energjinë elektrike të konsumuar për periudhën janar-dhjetor 2022 dhe banka mund të mbulojë deri në 75 për qind të vlerës së faturës. Ministri shprehu shpresën që nga pranvera të bien faturat e energjisë elektrike për bizneset.