Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Një bullgar u nominua për çmimet më prestigjioze kanadeze të filmave

Foto: arkiv

Bullgari Bllagovest Ahillov, i cili që prej vitesh jeton dhe punon në Kanada, u nominua për Çmimet Kinematografike Kanadeze, njoftoi BTA. Ky nominim është i pari për bashkatdhetarin tonë, i cili tashmë ka 11 nominime për çmimet televizive amerikane “Emi”. Bllag Ahillov, si është i njohur në Kanada, është pjesë e ekipit të filmit “DinoDana: TheMovie”, e nominuar për montazh zanor në konkurrencë me kolektive që punuan mbi katër prodhime të tjera.

Çmimet kanadeze të filmave janë më prestigjiozët në vend dhe shpesh janë krahasuar me çmimet “Oscar” dhe “Emi”, si dhe me BAFTA-n britanike dhe “Sezar”-in francez. Ato dorëzohen nga Akademia e Filmit dhe Televizionit Kanadez që nga viti 2013, kur u bashkuan çmimet e mëparshme individuale për arritje në kinema dhe televizion. Çmimet dallojnë arritje artistike dhe teknike në industrinë e filmave dhe prodhimeve të televizionit dhe mediave elektronike në gjuhën angleze.

Mbajtësit e çmimeve kanadeze do të shpallen në fillim të prillit. Ahillov lindi në Bullgari. Që kur ishte në moshën 4 vjeç e gjysmë u largua për në Londër me prindërit e tij dhe pesë vjet më vonë familja e tij u vendos në Kanada, ku banon tashmë 26 vjet. Mbaroi arsimin e lartë në Universitetin “Full Sail Entertainment” në Floridë të ShBA-së. Në Kanada nisi nga puna si inxhinier zëri në kompaninë “Sinking Ship”.

Prindërit e Bllag Ahillov janë gjithashtu krijues - nëna e tij Jana është një mësuese pianoje dhe babai i tij Aleksandër Ahillov është një piktor dhe artist vizual.

Bllag Ahillov vjen shpesh në Bullgari dhe kalon shumë kohë me të afërmit e tij. Gjyshi i tij Borisllav Vlladikov, një shkrimtar, dramaturg dhe botues, ka një ndikim të madh në jetën e tij, “ai më mësoi shumë gjëra për atdheun, historinë dhe trashëgiminë”, tha Ahilov për BTA.




Последвайте ни и в Google News Showcase, за да научите най-важното от деня!

Më shumë nga rubrika

Filmi “Kopeja” / “TARIKA” është nominimi zyrtar i Bullgarisë për çmimin “Oscar”

Komisioni kombëtar i ekspertëve përzgjodhi kandidatin bullgar për çmimin “Oscar” të Akademisë Amerikane të Filmit për filmin më të mirë ndërkombëtar. Filmi “Kopeja” / “TARIKA” është filmi i tretë artistik i regjisorit Millko Llazarov. Premiera..

botuar më 25-08-15 2.58.MD
Pllamena Getova dhe Irinej Konstantinov luajnë në film

Një film bullgar do të marrë pjesë në festivalin e filmit në Korçë

Filmi „Dita kur ajo do të lindë“ i Emil Spahijski u përzgjodh në seleksionin zyrtar të Festivalit Ndërkombëtar të Filmit të Shkurtër në Korçë, njofton faqja zyrtare e eventit. “Pas orësh shikimi, ditësh diskutimesh dhe muajsh punë të përkushtuar,..

botuar më 25-08-11 10.31.PD
Foto: Facebook/Agjencia Ekzekutive për Bullgarët Jashtë Shtetit

Për talentet e reja bullgare në mbarë botën në garat e Agjencisë Ekzekutive për Bullgarët Jashtë Shtetit në vitin 2025

Është gjithmonë bukur dhe frymëzuese kur flasim për talentet bullgare në mbarë botën. Dhe është edhe më frymëzuese kur bëhet fjalë për fëmijët. Në një ceremoni të veçantë në Sofje, Agjencia Ekzekutive për Bullgarët Jashtë Shtetit vlerësoi fituesit e..

botuar më 25-08-09 9.40.MD