Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Po përgatitet evakuim tokësor i shtetasve bullgarë nga Ukraina

Diplomatë tanë nga Polonia, Rumania dhe Moldavia do të sigurojnë kalim pa problem të bashkatdhetarëve tanë në pikat kufitare

Kiev, 24 shkurt 2022
Foto: BGNES

Hapësira ajrore e Ukrainës është e mbyllur, gjë për të cilën do të fillojë evakuimi tokësor i qytetarëve bullgarë nga vendi, në koordinim me përfaqësitë e tjera diplomatike të huaja me të cilat mbajmë kontakte, tha zëdhënësi i Ministrisë së Jashtme Mitko Dimitrov për Radio Bullgarinë. Më shumë se 110 shtetas bullgarë kanë shprehur tashmë dëshirën për të evakuuar:

“Evakuimi do të bëhet me automjete personale. Veçmas ka rreth 4000 njerëz që jetojnë në Ukrainë që shprehën dëshirën për të ardhur në Bullgari, këta janë njerëz të ndryshëm nga shtetas bullgarë. Ministri i jashtëm urdhëroi që diplomatë tanë nga Polonia, Rumania dhe Moldavia të sigurojnë kalim pa probleme të bashkatdhetarëve tanë në pikat kufitare – pasi të fillojë evakuimi tokësor ata do të shoqërohen.”

Mitko Dimitrov

Ambasada bullgare në Kiev formoi një shtab i cili mban kontakte të përhershme me bashkatdhetarët tanë dhe regjistron të dhënat aktuale dhe vendndodhjen për të pasur kontakt të drejtpërdrejtë me ta. Rekomandimi ynë për bashkatdhetarët tanë është që të qëndrojnë në shtëpi.”

Institucionet bullgare po punojnë në koordinim, ku prioriteti numër një është largimi i shtetasve bullgarë nga Ukraina, theksoi më herët sot kryeministri Kiril Petkov pas bisedimeve në presidencë.

“Me Ministrinë e Transportit organizojmë transport tokësor. Për pritjen e 4 mijë personave të përmendur. Do të organizojmë edhe baza me Ministrinë e Turizmit për t'i përdorur që të pranojmë këtë numër të madh njerëzish. Në të njëjtën kohë, po punojmë me Ministrinë e Brendshme dhe Agjencinë Shtetërore të Sigurisë Kombëtare për të organizuar përpunimin e shpejtë të të dhënave të këtyre personave në mënyrë që t’i pranojmë ata”.

Kiril Petkov

Kryeministri shprehu kategorikisht qëndrimin bullgar: “Ne dënojmë ashpër veprimet e Federatës Ruse. Kjo është e papranueshme dhe Bullgaria do të flasë në një zë me BE-në dhe NATO-n”.

Informacioni që disponon Ministria e Jashtme është se në disa pjesë të Ukrainës u ndërpre energjia elektrike dhe pritet të mbyllen edhe operatorët celularë.

Më shumë informacion sesi shtetasit bullgarë mund të kontaktojnë me përfaqësitë diplomatike të Bullgarisë në Ukrainë mund të gjeni në faqen shqip të Radio Bullgarisë.

Shtetasit bullgarë mund të kontaktojnë përfaqësitë diplomatike të Bullgarisë në Ukrainë në numrat telefonikë të mëposhtëm: Ambasada e Republikës së Bullgarisë në Kiev: +38044 2354389; +380442352202; telefonat e shërbimit gjatë orarit jo të punës: +380442467237; +380442467672; Ambassy.Kiev@mfa.bg ; Konsullata e Përgjithshme e Republikës së Bullgarisë në Odes: +38 048 746 65 54; +38 048 746 65 58; +38 048 746 63 75; Numri i telefonit të urgjencës gjatë orarit jo të punës: +380682930048; E-mail: Konsullata.Odessa@mfa.bg

Përgatiti në shqip: Svetllana Dimitrova

Foto: BGNES




Последвайте ни и в Google News Showcase, за да научите най-важното от деня!

Më shumë nga rubrika

Katër medalje për olimpistët bullgarë në astronomi dhe astrofizikë

Nxënësit bullgarë fituan katër medalje në Olimpiadën Ndërkombëtare të Astronomisë dhe Astrofizikës (IOAA), e cila u zhvillua në Indi, njoftoi Ministria e Arsimit. Ekipi bullgar u rikthye me tre medalje të arta dhe një të argjendtë, si dhe me një..

botuar më 25-08-22 2.29.MD

Festivali “Film i shkurtër në autobus të gjatë” për dokumentarë të shkurtër në Kjustendill

“Film i shkurtër në autobus të gjatë” është emri i një ngjarjeje tërheqëse që do të zhvillohet nga 22 deri më 24 gusht në qytetin Kjustendill . Projekti i Qendrës Kulturore Studentore “Shën Kliment Ohridski 1997” – Sofje, bashkon një festival..

botuar më 25-08-22 5.20.PD

Interesi për arsimin e lartë në Bullgari po rritet mes bullgarëve nga Ukraina, Moldavia dhe Maqedonia e Veriut

Vazhdon të jetë i qëndrueshëm interesi për universitetet bullgare nga të rinjtë me origjinë bullgare që jetojnë jashtë vendit, të cilët aplikojnë përmes Dekretit Nr. 103 të Këshillit të Ministrave të vitit 1993. Ky vendim parashikon kushte..

botuar më 25-08-20 4.05.MD