Prokurori i Përgjithshëm Ivan Geshev i quajti “foshnjë e parakohshme ligjore” ndryshimet në Ligjin për Pushtetin Gjyqësor me të cilët pushtetarët propozojnë mbylljen e gjykatës dhe prokurorisë së specializuar. Prokurori qortoi Ministren e Drejtësisë Nadezhda Jordanova dhe udhëheqësin e “Po Bulgaria” Hristo Ivanov se ndryshimet u shkruan në errësirë ​​dhe i ftoi ata në një debat publik. Nadezhad Jordanova rikujtoi se ndryshimet në ligj u diskutuan në shoqëri.

Sa i përket vizitës së Kryeprokurores evropiane Laura Koveshi në vendin tonë, Ivan Geshev tha se nuk ka asgjë për t’u shqetësuar. “E vetmja gjë që më shqetëson është shkelja e vazhdueshme e shtetit ligjor dhe ndarja e pushteteve nga politikanët. Kjo po shqetëson gjithnjë e më shumë partnerët tanë evropianë”, përfundoi ai.