Për të ndihmuar partnerët e saj nga Parku Kombëtar Natyror “Limanet e Tuzlës” në Ukrainë, Shoqata Bullgare për Mbrojtjen e Shpendëve ka nisur një fushatë për mbledhje mjetesh. Synimi është sigurimi i nevojave bazë, ilaçeve dhe pajisjeve. Menaxhimi i parkut është një nga partnerët ukrainas në kuadrin e projektit “Rruga e Fluturimit të Sigurt”, të cilët përgjigjen për menaxhimin dhe mbrojtjen e një prej zonave natyrore bregdetare më të vlefshme në Ukrainë – një vend, ku shpendët e kalojnë dimrin dhe bëjnë fole. Në ekip merr pjesë edhe bullgari besarab Dr. Ivan Rusev - ekolog dhe ornitolog i shquar që ka punuar për dekada për të ruajtur biodiversitetin në Ukrainë.

Përpiloi: Darina Grigorova

Përgatiti në shqip: Vesella Mançeva