1960 janë rastet e reja të koronavirusit në vend për 24 orët e fundit. 69.6 për qind e të sapoinfektuarve nuk janë të vaksinuar. 11.96 për qind e 16390 testeve të kryera janë pozitive, sipas portalit coronavirus.bg.

Të sëmurët aktivë u ulën me 2424 deri në 190 664 veta. Për trajtim në spitale u pranuan 292 të infektuar me koronavirus. 73.6 për qind prej tyre nuk janë të imunizuar kundër Covid. Numri i të shtruarve në spitale ul me 95 deri në 2016 veta. Në repartet e terapisë intensive janë 246 pacientë.

48 veta me Covid të konfirmuar vdiqën në 24 orët e fundit. 44 prej tyre nuk kishin vaksina kundër koronavirusit.

U shëruan 4336 të sëmurë.

Të hënën u dhanë 1569 vaksina.

Ministria e Shëndetësisë nisi një fushatë informuese për përfitimet e vaksinimit kundër Covid. Fushata “+ mua” u drejtohet personave mbi 60 vjeç, të sëmurëve kronikë, atyre që planifikojnë shtatzëninë, grave shtatzëna dhe nënave që ushqejnë foshnjat me gji.