Kryeministri Kirill Petkov siguroi përfaqësuesit e Parlamentit Evropian dhe Komisionit Evropian se me ndryshime legjislative do të bëjë gjithçka që është e mundur që Prokuroria Evropiane të punojë pa probleme në territorin bullgar, njoftoi shefja e kabinetit Lena Borisllavova pas takimit të Petkov me përfaqësuesit e dy institucioneve evropiane.

Kryeministri nuk doli para gazetarëve për të treguar se si kaloi takimi i tij me eurodeputetët e Partisë Popullore Evropiane - EPP Monika Holmejer dhe Jeroen Leners. Ata janë në Sofje për të hetuar arrestimet e politikanëve të GERB. Borisllavova tha se “kolegët nga Evropa janë këtu në një mision neutral dhe nuk duan të bëjnë deklarata pa kontrolluar të gjitha faktet dhe rrethanat”.

• Arrestimi i Bojko Borisovit – një demonstrim, apo një hap në luftën kundër korrupsionit në Bullgari