Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Me një mesazh paqeje në planet

Një kryevepër e Bruckner në një koncert të Filarmonisë së Plevenit dhe të Korit Kombëtar të Filarmonisë "Svetosllav Obretenov"

Foto: Filarmonia e Plevenit

Më 29 mars, në skenën e sallës “Bullgaria” në kryeqytet do të luhet Mesha numër 3 në F moll nga Anton Bruckner. Një përfaqësues i shquar i kulturës muzikore austriake, i njohur si një nga simfonistët më të mëdhenj të epokës romantike, Bruckner la një trashëgimi të jashtëzakonshme krijuese. Në të, së bashku me nëntë simfonitë e tij, Mesha e Madhe, të cilën kompozitori e redaktoi pothuajse gjatë gjithë jetës së tij, u bë shumë i njohur. Vepra është për orkestër simfonike, kor, organo dhe solistë - gjithsej mbi 130 muzikantë.

Në koncertin e ardhshëm në Sofje interpretues janë Filarmonia e Plevenit, Kori Kombëtar i Filarmonisë "Svetosllav Obretenov" dhe solistët Vera Girginova - soprano, Violeta Radomirska - alt, Georgi Sulltanov - tenor dhe Svilen Nikollov - bas. Dirigjent i korit është Sllavill Dimitrov, ndërsa i gjithë produksionit - Jordan Kamxhallov.

Jordan Kamxhallov

Maestro Kamxhallov do ta hapë koncertin me një hyrje muzikore, në të cilën do të prezantojë formulat dhe teknikat kryesore kompozicionale që kompozitori ka përdorur në vepër. Siç tha ai në një intervistë për BNR, "kjo do të sigurojë një perceptim më të ndërgjegjshëm nga audienca në një nivel intelektual dhe emocional".

Kjo është shfaqja e dytë e veprës nga dy formacionet, të cilat e prezantuan për herë të parë dy vite më parë. Në ditët e turbullta në të cilat jetojmë, vepra të tilla me një ndikim kaq të fortë filozofik dhe emocional padyshim që u japin forcë lutjeve dhe mesazheve të paqes që njerëzit në mbarë botën drejtojnë.

Përpiloi: Allbena Bezovska

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Orkestra Filarmonike e Sofjes do të performojë për herë të tretë në Sallën e Artë të Musikverein - Vjenë

Më 17 mars, Orkestra Kombëtare Filarmonike dhe kryedirigjenti i saj do të jenë sërish të ftuar në sallën legjendare të Artë të Shoqatës së Muzikës së Vjenës - Wiener Musikverein. Nën dirigjimin e Najden Todorovit do të tingëllojë Koncerti për Trumbetë..

botuar më 25-03-15 7.30.PD

Në Ruse fillojnë Ditët Muzikore të Marsit

Sot në Ruse fillon edicioni i 64-të i Festivalit Ndërkombëtar të Muzikës “Ditët Muzikore të Marsit”. Ai do të zgjasë deri më 31 mars. Në kuadrin e aktivitetit do të mbahen njëzet e tre koncerte me vepra nga Rilindja dhe Baroku deri te muzika..

botuar më 25-03-14 8.25.PD

"Magjia"pranverore e Irina Fllorin

Irina Fllorin është ndër këngëtaret bullgare me një ndjenje të theksuar moderniteti në të gjitha dimensionet e tij. Tendencat më aktuale përshkojnë muzikën e saj, me të cilën ajo vazhdon të jetë e pranishme prej vitesh në skenën bullgare...

botuar më 25-03-13 8.15.PD