Qëndrimi i Bullgarisë për Maqedoninë e Veriut nuk do të ndryshojë. Të dy vendet janë duke punuar së bashku, ka një dialog të përmirësuar dhe një dëshirë reale për të arritur rezultate dhe për të pastruar tensionet e akumuluara, tha shefja e kabinetit Lena Borisllavova.

Në Parlament u zhvillua një takim i liderëve të shumicës në pushtet për integrimin evropian të Shkupit. Hristo Ivanov nga “Bullgaria Demokratike” tha se nuk janë diskutuar afate për heqjen e vetos së Bullgarisë mbi fillimin e negociatave të BE-së me Maqedoninë e Veriut. Ivanov përkujtoi se Sofja ka një qëndrim kornizë të miratuar nga të gjitha partitë në Legjislaturën e 44-të Kuvendit Popullor. Partia Socialiste Bullgare (BSP) gjithashtu deklaroi se kanë qëndrim të qartë për këtë temë.