Përfaqësuesi bullgar në edicionin e sivjetshëm të Eurovisiont- grupi rock Intelligent Music Project mori një përkrahje të madhe. Grupi bullgar do të dalë në skenën e madhe të Torinos, i udhëhequr nga Ronnie Romero. Vokalisti i tanishëm i Rainbowështë pjesë e projektit bullgar rock së bashku me muzikantët Stojan Jankullov-Stunxhi, Sllavin Sllavçev, Biser Ivanov, Ivo Stefanov dhe Dimitër Sirakov.
Intelligent Music Project morën dhjetëra video urimi nga muzikantët e grupeve me famë botërore, të cilët i urojnë suksese Bullgarisë dhe përfaqësuesve bullgarë në Eurovision.
“Përshëndetje, si je, Bullgari!” - nis video-urumi vokalisti i Uriah Heep Bernie Shaw. Mick Box nga grupi legjendar kujton paraqitjet e shumta të grupit në Bullgari, si dhe Festivalin “July Morning”, i quajtur sipas këngës me të njëjtin emër të Uriah Heep.
Me thirrjet “Përpara, Bullgari!” dhe “Përkrahu Bullgarinë” shprehën përkrahje ndaj vendit tonë edhe kitaristi Axel Rudi Pell, bateristi i Rod Stewart, CarmineAppice, Eric Bloom nga Blue Oyster Cult, Todd Sucherman nga Styx, Bobby Rondinelli (Rainbow, Black Sabbath), Roger Earl (Foghat), DORO, Jeff Scott Soto (Yngwie Malmsteen, Journey), kitaristi Gus G nga grupi i Ozzy Osbourne, bateristi Mike Terana (Yngwie Malmsteen, Journey), Tim Pierce (që ka incizuar këngë me Michael Jackson, Bon Jovi, etj.) dhe klaviristi Tony Carey (Rainbow).
Të gjitha video urimet mund t'i shikoni KËTU:
Anëtarët e një grupi tjetër legjendar i dërguan urimet e tyre për fat përfaqësuesit bullgar të Eurovision - muzikantët nga Nazareth. “Unë e dua Eurovision dhe u kënaqa kur mësova se këtë vit Bullgaria do të përfaqësohet nga Intelligent Music Project dhe kënga e tyre “Intention”. Kjo është një këngë fantastike e realizuar nga një grup shumë i talentuar”, tha në video bateristi i grupit.
“Intention, ose “Synimi”, përkthyer shqip, shtron çështjen e luftës së brendshme personale të secilit prej nesh me modelet e vjetruara të besimit dhe sjelljes që na tërheqin prapa – vë në dukje autori i muzikës dhe tekstit të këngës Dr. Milen Vrabevski.
Bullgaria, e përfaqësuar nga Intelligent Music Project dhe kënga “Intention”, do të marrë pjesë në gjysmëfinalen e parë të Eurovision më 10 maj.
Përpiloi: Allbena Bezovska
Përgatiti në shqip: Vesella Mançeva
Gjatë afërsisht dy viteve të ekzistencës së tij, grupi JazzBoree u bë i njohur për stilin e tij origjinal. Vetë emri i formacionit flet për simbiozën midis xhazit dhe folklorit, kryesisht bullgar. Pianisti Boris Petkov aranzhon si këngë popullore..
Dy këngëtarë të rinj - Todor Gaxhallov dhe Teodora Conçeva - bashkojnë forcat e tyre krijuese në një këngë duet. Në "Askush nuk puth si ti", përveçse janë interpretues, ata janë edhe autorë të muzikës dhe tekstit, aranzhimi është nga Todor...
Një premierë e rëndësishme dhe një debutim emocionues priten më 19 qershor në orën 19:00 në sallën "Bullgaria" të kryeqytetit. Letonezja Ksenija Sidorova - një nga zonjat më tërheqëse në skenën klasike bashkëkohore, do të debutojë me Orkestrën..
Adhuruesit e xhazit, si çdo vit, e presin me padurim në fillim të korrikut Festivalin Ndërkombëtar A to JazZ . Këtë vit ai do të zhvillohet nga data 3..
Verka Siderova, zëri i artë i Dobruxhës dhe i Bullgarisë, përfundoi udhën e saj tokësore në moshën 99-vjeçare. Lajmin e hidhur e bëri të ditur familja e..
Krijimet e muzikantit të madh Dimitër Vëllçev për skenën bullgare, kinemanë, televizionin dhe në zhanret popullore, janë jo vetëm mbresëlënëse, por edhe..
Mot i kthjellët