Është koha për të rivendosur praninë diplomatike bullgare në Kiev dhe në Odesë. Do të gjenden diplomatë që janë gati të rifillojnë punën e ambasadës dhe konsullatës së përgjithshme, shkroi në Facebook Nënkryetari i Kuvendit Popullor Kristijan Vigenin.

“Një zhvillim i mundshëm i luftës është një sulm në rajonin e Odesës, ku është përqendruar komuniteti bullgar. Greqia nuk arriti të mbrojë grekët etnikë në Mariupoll, por ne mund t'u japim sinjale të qarta parandaluese sa u përket bullgarëve etnikë. Një sinjal i tillë, ndër të tjera, do të jetë prania diplomatike në Odesa”, shkroi deputeti i BSP-së. Vigenin deklaron se është personalisht i gatshëm të shoqërojë diplomatët bullgarë në Odesa.