Para turmës së mbledhur rreth ndërtesës së Kuvendit Popullor, kreu i partisë “Vëzrazhdane” Kostadin Kostadinov bëri thirrje për zgjedhje të parakohshme. Pas vendimit të parlamentit për t’i dhënë ndihmë ushtarako-teknike Ukrainës, Kostadinov tha se Bullgarisë i duhen menjëherë zgjedhje të reja, në të cilat bullgarët duhet të shkojnë si referendum për të ardhmen e vendit.

Në qytetin Veliko Tërnovo, aktivistë të partisë “Vëzrazhdane” gjithashtu protestuan kundër dhënies së ndihmës ushtarake për Ukrainën para ndërtesës së Administratës Rajonale, transmeton BTA. Anëtarët e partisë dhe qytetarët thanë se Bullgaria duhet të qëndrojë neutrale në mënyrë që të mos përfshihet në konfliktin ushtarak.

Qëndrimi i protestuesve është se ofrimi i ndihmës ushtarake për Ukrainën jo vetëm që nuk do të ndalojë konfliktin atje, por do ta thellojë dhe përshkallëzojë atë, duke çuar në më shumë viktima. Të mbledhur në miting deklaruan se për shkak të vendimeve të sotme të Kuvendit Popullor, protestat do të vazhdojnë edhe në ditët në vijim.