Lufta nuk është dhe nuk mund të jetë mjet për zgjidhjen e asnjë mosmarrëveshjeje dhe as nuk mund të ketë ndonjë justifikim për të, thekson Patriarku bullgar Neofit. Fjalimi i klerikut u lexua nga peshkopi Polikarp, i cili shenjtëroi flamujt luftarakë me rastin e 6 majit – Ditës së Trimërisë dhe të Ushtrisë Bullgare. Për të tretin vit radhazi, 6 maji festohet pa paradën tradicionale ushtarake në Sofje. Por ushtria demonstron aftësi luftarake në bazat Graf Ignatievo, Novo Sello dhe Crënça.

Para Monumentit të Ushtarit të Panjohur në kryeqytet, Presidenti Rumen Radev komentoi se vendimi i parlamentit për t'i ofruar ndihmë ushtarako-teknike Ukrainës është një hap i rrezikshëm drejt përfshirjes së Bullgarisë në luftë. Konflikti nuk do jetë i shkurtër dhe do zmadhohet. Formulimi “ndihmë ushtarako-teknike” është mjaft i shtrirë dhe i rrezikshëm, tha Radev.