Negociatorët e BE-së dhe eurodeputetët ranë dakord mbi rregullat për mbushjen e objekteve evropiane të depozitimit të gazit përpara dimrit. Qëllimi është që vendet të përgatiten për ndërprerje të mundshme të gazit natyror rus, njoftoi REUTERS. Rusia furnizon 40 për qind të gazit në BE dhe tashmë pezulloi furnizimet për Poloninë dhe Bullgarinë, kujton agjencia. Marrëveshja kërkon që vendet e BE-së të mbushin së bashku të paktën 85 për qind të objekteve të magazinimit deri në nëntor 2022 dhe deri në 90 për qind në vitin 2023. Objektet e magazinimit të gazit tani janë plot 41 për qind.

Sekretari amerikan i Shtetit, Anthony Blinkon shpalli se Ukraina do të marrë një dërgesë të re të obuseve, radarëve dhe pjesëve rezervë për 100 milionë dollarë, raportoi CNBC.

Pas Dhomës së Përfaqësuesve edhe Senati amerikan miratoi Aktin e “Hua-Qirës” për Ukrainën, i cili ndan 40 miliardë dollarë për nevojat ushtarake të Ukrainës.

Demokracitë ekonomike më të fuqishme në botë të G7 do t’i ofrojnë Ukrainës më shumë se 15 miliardë dollarë të premtuara ndihmë financiare gjatë tre muajve të ardhshëm, u bë e qartë pas ditës së parë të takimit të Ministrave të Financave të G7 në qytetin gjerman Koenigswinter, raportoi REUTERS.